de Saint-Paul
Somin kafyab lo maronèr
Lo somin sar long long minm baya, mi sava mon kèr lé klèr
Mon zyé i vwa pa lo bout soman mon kèr I koné la doulèr
Sar pasa’k va fé pèr lo maronèr
Dopi granmatin èk fénwar
Ziska tonbé’d féklèr
Marsé po di bann kolonizatèr bann zanprofitèr
Astèr nou nasé nou nasé zot i zoué sanm nout mizèr
Zot mépri ni vé pi na mèt nout péi anlèr
Sin kontinan ni aminn dan nout kèr
Po nout marmay domin vwar inn ti féklèr
San zèt oblizé désot lamèr
Po nou tout santyié lé rouvèr
Sa somin nout bann zansèt, nout pèr é mèr
Nout listwar èk nout zéografi sé nout zézèr
Bana i vé’k tousa ni pèrd
Dawar po alé fé manz anou dan lamèr
Nonva, bann mo o bord mon lèv
Tout bann mèr va tann mon fonnkèr
Po di azot nout drapo anlèr i lèv
Dosi bann méri partou ousa nat fonksyonèr
Na di azot arèt sanz lo non nout bann kartyé
Nou nasé vwar lo non sat la déport nout zanfan
Sat la fé pas mizèr nout pèp
Lo swar bann dalon zot port sora rouvèr
Po amontré Réyoné i giny èt solidèr
Po klou lo bèk tout sak i fé lo vèr
Tout sak i stikmatiz atoréatravèr
Di azot ni vépa i vann nout médyatèk
Dan nout péi pa bézwinn incinératèr
Asé gaspiy nout larzan tyé nou bonèr
Zot politik la kouyonis nout zanfan va pa soufèr
Savat dosi mon pyé bann dwa’d pyé va zoué la mizik
Si lo black é dann santyé zot sar an nik
Kank zot sar fatiké zot va ogard lo syèl
Po tak lénèrzi po anval bann zétwal
Lo vintéinn avril démilkinz
Somin kafyab lo maronèr
Lo somin sar long long minm baya, mi sava mon kèr lé klèr
Mon zyé i vwa pa lo bout soman mon kèr I koné la doulèr
Sar pasa’k va fé pèr lo maronèr
Dopi granmatin èk fénwar
Ziska tonbé’d féklèr
Marsé po di bann kolonizatèr bann zanprofitèr
Astèr nou nasé nou nasé zot i zoué sanm nout mizèr
Zot mépri ni vé pi na mèt nout péi anlèr
Sin kontinan ni aminn dan nout kèr
Po nout marmay domin vwar inn ti féklèr
San zèt oblizé désot lamèr
Po nou tout santyié lé rouvèr
Sa somin nout bann zansèt, nout pèr é mèr
Nout listwar èk nout zéografi sé nout zézèr
Bana i vé’k tousa ni pèrd
Dawar po alé fé manz anou dan lamèr
Nonva, bann mo o bord mon lèv
Tout bann mèr va tann mon fonnkèr
Po di azot nout drapo anlèr i lèv
Dosi bann méri partou ousa nat fonksyonèr
Na di azot arèt sanz lo non nout bann kartyé
Nou nasé vwar lo non sat la déport nout zanfan
Sat la fé pas mizèr nout pèp
Lo swar bann dalon zot port sora rouvèr
Po amontré Réyoné i giny èt solidèr
Po klou lo bèk tout sak i fé lo vèr
Tout sak i stikmatiz atoréatravèr
Di azot ni vépa i vann nout médyatèk
Dan nout péi pa bézwinn incinératèr
Asé gaspiy nout larzan tyé nou bonèr
Zot politik la kouyonis nout zanfan va pa soufèr
Savat dosi mon pyé bann dwa’d pyé va zoué la mizik
Si lo black é dann santyé zot sar an nik
Kank zot sar fatiké zot va ogard lo syèl
Po tak lénèrzi po anval bann zétwal
Lo vintéinn avril démilkinz